lao student association in France

***** ທ້າຫົວໃຈໃສ່ສາວເຫນືອ *****

*ຟັງແລ້ວໃຈຊາບຊື້ງ................ຄະນຶງຄິດນຳສາວລາວ
ສາວຊຽງຂວງໄກ................ຢູ່ແດນເຫນືອພຸ້ນ
ບຸນຊາຍພໍຊິຍາກ.................ທັງລຳບາກຕອ້ຍຕ່ຳ
ບຸນບໍ່ພໍຊາດນີ້...........ແລ້ວສາວນອ້ຍຜູ່ຫ່ວງໄຍ


*ຂອບໃຈນຳສາວນອ້ຍ...............ດອກຟ້າເມືອງເຫນືອ
ກັບວຽງຈັນຊິໄປຂໍ..................ຮ່ວມຮຽງຄຽງຊອ້ນ
ນອນລະເມີຊິຝັນງ້ວງ.................ນຳຄຳຫວານສາວເພີ່ນວ່ານ
ມໍລະກົດໃຈສະທ້ານ.....................ຄຳຫວານນີ້ຊິບໍ່ລືມ

*ຄຳທີ່ນອ້ງກ່າວຊີ້..................ຖະແຫລງອອກເປັນບົດກອນ
ອອນຊອນນຳຄຳຫວານ...................ທີ່ວ່ານລົງມາຫາອ້າຍ
ເສຍດາຍອ້າຍບຸນນອ້ຍ...............ຄ່າດອງຊິສູງຄ່າ
ບ່າວມາກຫນ້າຫລາຍຕາ................ນອງຄົງມີມາກລົ້ນ ຫລາຍແທ້ ແມ່ນບໍ່ສາວ ນອ້ງເອີຍ

*ນ້ຳຕາທີ່ລິນຍອ້ຍ...............ຍອ້ນສາວຊ່າເມືອງວຽງຈັນ
ລໍວັນຫວນຫັນຄິດ................ວ່າມີສາວເມືອງແດນຟ້າ
ສາວງາມຄືນວນນອ້ງ..................ຊາຍຄົນຈົນທີ່ສົນຍາກ
ອ້າຍລຳບາກນອ້ງບໍ່ຊົ້ນ....................ສົມອ້າຍຜູ້ບ່າວຄອຍ

*ເສຍດາຍນໍສາວນອ້ຍ................ບຸນບໍ່ພາດພໍສົມ
ໃຊ້ຄາລົມປົວແຜໃຈ.................ຊ່ວງເຊົາຫາຍຊີ້ນ
ຍິນຄຳຫວານສາວມາຍອ້ງ.....................ໃຊ້ຄຳດີມີປະໂຫຍດ
ຮັກນີ້ໂທດບໍ່ໄດ້...................ໄຜຜິດນັ້ນບໍ່ຮອ່ນເຫັນ

*ສຳລັບກອນມື້ນີ້................ຝາກແນ່ສາວໃຈດີ
ທີ່ສະຫລະມາເສີມຄຳ.................ສັບສຳນວນມາອອນຊອນໄຊ້
ໃຈລະເມີຝັນເຫັນຫນ້າ..................ການດາຜູ້ຖາມຂ່າວ
ມໍລະກົດບ່າວຫນຸ່ມນອ້ຍ...............ບຸນຂອງອ້າຍຊິບໍ່ພໍ ນອ້ງເອີຍ

*ສາວຊຽງຂວງຜູ້ນີ້...............ໃຈໄຫວ່ຫວັ່ນນຳຄຳຫວານເດນໍ
ຢາກໄປຂໍເປັນແຟນຮັກ..................ວ່າຈັ່ງໃດເດສາວນອ້ຍ
ເຫັນແຕ່ຊາຍຫລາຍຫນ້າ....................ໄຂກາວີຖາມຂ່າວ
ບ່າວຜູ້ຈົນຄົນຂີ້ຮ້າຍ.............ສົນໃຈອ້າຍນັບວ່າບຸນ

*ນ້ຳຕາຕົກອາບແກ້ມ..................ຍອ້ນຄວາມຮັກມັນຝັງໃຈ
ຮັກນາງຈົນບໍ່ເຫລືອ..................ຫົວໃຈວາງວາຍໄຫ້
ແຕ່ເສຍດາຍນໍນາງນອ້ງ..................ເຂົາກໍ່ໄປມີແຟນໄຫມ່
ຫົວໃຈຈິ່ງຮອ້ງໄຫ້.................ສາວມາຮ້າງເລິກກັນ

*ສາວມາຫວານອອ່ນອ້ອ້ຍ..................ອອນຊອນມ່ວນເຂົ້າລີລາ
ເສຍດາຍນໍຄົນຈົນຮັກ.................ຊິບໍ່ສົມຄົນງາມນອ້ງ
ເສຍດາຍຄົນຄືອ້າຍ...................ດຳຄືກາສາວບໍ່ວ່າ
ເສຍດາຍຮູບຂີ້ຮ້າຍ..................ດຳປີດັ່ງຖ່ານໄຟ

*ເສຍດາຍອ້າຍໄກນອ້ງ........................ຢູ່ລະຫວ່າງຄອນພະເພັງ
ເມືອງໂຂງກັບຊຽງ....................ຫ່າງກັນແທ້ນໍນອ້ງ
ຫາກສາວມາອ້າຍ........................ເປັນໄພ້ຄອນດອນເດດ
ເຮັດນາວນຢູ່ຖິ່ນໄຕ້..................ມາຫາສ້າງພັດທະນາ

*ຢ້ານແຕ່ສາວບໍ່ກ້າ..................ຊິມາຮັກຊາຍຊາວດອນ
ຊາວເມືອງໂຂງໃຈຮັກຈິງ.....................ບໍ່ລືມກັນໄດນອ້ງ
ຢ້ານສາວງາມຄືຫລ້າ....................ເຫັນບ່າວມາຫາລົມຈີບ
ຢິບຜ້າຂາວເຊັດນ້ຳ........................ສອງຄັ້ງຈົ່ງສົງສານໃດເນີ

*ບ່າວເມືອງໂຂງນີ້ຮັກແທ້.....................ຖ້ານອ້ງກ້າປະຊັນບົດ
ຊິຂໍຮັກບໍ່ລືມກັນ................ຖ້າວ່ານາງຈິງໄຈແທ້
ຢ່າມາຊວນໄຫ້ນອນໄຫ້................ຄືສາວງາມທີ່ຜ່ານຜ່າ
ນ້ຳຕາອ້າຍຊິຫລັ່ງຍອ້ຍ.....................ສາວຊຽງນີ້ວ່າຈັ່ງໃດ

***** ຂຽນໂດຍ: ມໍລະກົດ *****