lao student association in France

Members Login

Post Info

TOPIC: ບັນຫາ“…ລ້ຽວຂວາໄດ້ ຕ້ອງລະວັງ…”

chin

Senior Member

Status: Offline

Posts: 111

Date: May 28, 2008

ບັນຫາ“…ລ້ຽວຂວາໄດ້ ຕ້ອງລະວັງ…”	Permalink

ເພື່ອນຜູ້ອ່ານທີ່ໃສ່ນາມວ່າ: “ທ້າວເຜີ້ງ” ຂຽນ ຈ.ມ ຜ່ານ E-mail ລົງວັນທີ 20/5/2008 ເຖິງຄໍລຳພວກເຮົາ… ເພິ່ນສ່ອງແສງບັນຫາການສັນຈອນ ຕາມເສັ້ນທາງຢູ່ນະຄອນຫລວງພວກເຮົາ ໂດຍສະເພາະປ້າຍສັນຍານທີ່ບອກວ່າ: “ລ້ຽວຂວາໄດ້ ຕ້ອງລະວັງ…”ໃນຖານະຜູ້ຮັບຜິດຊອບຄໍລຳ “ແນວລາວ” ໄປຊອກຮູ້ຂໍ້ມູນກ່ຽວກັບປ້າຍນີ້ ເຊິ່ງເຈົ້າຫນ້າທີ່ເພິ່ນບອກວ່າ: ນີ້ແມ່ນການທົດລອງ ໃຊ້ເພື່ອປະເມີນຜົນວ່າດີຢ່າງໃດ? ເພາະບໍ່ຢາກໃຫ້ລົດແອອັດຫລາຍເກີນໄປ ໃນເວລາລໍຖ້າໄຟ ອຳນາດ… ຍ້ອນວ່າທົດລອງ ເພິ່ນຈຶ່ງໃຊ້ຄຳວ່າ: “ຕ້ອງລະວັງ” ເພື່ອໃຫ້ຜູ້ຂັບລົດຕ້ອງເບິ່ງກ່ອນວ່າ ໃນເວລາລ້ຽວນັ້ນ ມີລົດຫລືບໍ່? ຖ້າລ້ຽວຈະປອດໄພຫລືບໍ່? ແນ່ນອນການທົດລອງຕ້ອງໃຊ້ເວລາ ຫາກເຫັນວ່າມັນມີປະສິດທິຜົນ ເພິ່ນຈຶ່ງເຮັດປ້າຍຢ່າງເປັນທາງການ. ແຕ່ສັງເກດເຫັນວ່າ ມີປ້າຍນີ້ສະດວກຫລາຍຢ່າງ ລົດກໍບໍ່ຄ່ອຍຕິດຄືເມື່ອກ່ອນ… ສຳຄັນລະແມ່ນ ສະຕິຂອງຜູ້ຂັບລົດ ຕ້ອງໄດ້ລະວັງ ຫາກບໍ່ແມ່ນພວດພາດລ້ຽວໄປໂລດ ອາດເກີດອຸປະຕິເຫດໄດ້ນໍ? ສັງລວມເບິ່ງແລ້ວ ການສັນຈອນໄປມາ ໂດຍສະເພາະການໃຊ້ລົດໃຊ້ຖະໜົນນີ້ ອັນດັບທຳອິດ ຕ້ອງເວົ້າເຖິງ ສະຕິລະວັງຕົວດີທີ່ສຸດ ນອກຈາກການ ປະຕິບັດລະບຽບວິໄນຢ່າງເຄັ່ງຄັດແລ້ວ ເພາະຕ້ອງຍອມຮັບວ່າ ຍັງມີຫລາຍຄົນມັກລະເມີດວິໄນ ເຮົາລະວັງບໍ່ຕຳຫມູ່ ແຕ່ຫມູ່ພັດເສືອກ ມາຕຳເຮົາ.ສ່ວນເນື້ອໃນ ຈ.ມ ເພື່ອນມີດັ່ງນີ້: ສະບາຍດີທ່ານແນວລາວທີ່ຮັກແພງ ແລະ ນັບຖື ຂ້າພະເຈົ້າກໍເປັນຄົນຫນຶ່ງທີ່ຕິດຕາມອ່ານຄໍລຳນາໆ ສາລະຂອງທ່ານມາໂດຍຕະຫລອດ ແລະ ກໍຂໍຊົມເຊີຍທ່ານທີ່ສ່ອງແສງໃຫ້ເຫັນບັນຫາຕ່າງໆໃນສັງຄົມ ເພື່ອຊ່ວຍກັນແກ້ໄຂ ຂ້າພະເຈົ້າຂຽນຈົດຫມາຍມານີ້ ເພື່ອແລກປ່ຽນຂໍ້ຄິດນຳກັນ ເຖິງເລື່ອງປ້າຍ ທີ່ໃຊ້ ໄວ້ບອກວ່າ: “ລ້ຽວຂວາໄດ້ ຕ້ອງລະວັງ” ທີ່ເຮົາປະກົດເຫັນຕາມຫລາຍເສັ້ນທາງໃນນະຄອນຫລວງ ມີມື້ຫນຶ່ງ ຂ້າພະເຈົ້າໄປແລ່ນຫລິ້ນເສັ້ນທາງປະຕູໄຊ ທາງຫນ້າໂຮງແຮມດອກໄມ້ແດງ ເຫັນລົດໃຫຍ່ ພາກັນບີບແກເປບໆໆຢູ່ ເປັນຕາຫນ້າລຳຄານ ພໍດີຂ້າພະເຈົ້າຍ່າງກາຍໄປເຫັນ ແມ່ນເຂົາເຈົ້າບີບແກ ໃສ່ຄົນຕ່າງປະເທດ ທີ່ກຳລັງຈອດລົດຖີບ ລໍໄຟຂຽວກຽມລ້ຽວຂວາ ເຊິ່ງເຂົາເຈົ້າບໍ່ເຂົ້າໃຈວ່າສາມາດ ລ້ຽວຂວາໄດ້ ແຕ່ຕ້ອງລະມັດລະວັງ ເພາະເຂົາເຈົ້າອ່ານພາສາລາວບໍ່ໄດ້ ຝ່າຍຄົນລາວ ຜູ້ຟ້າວວຽກ ແດ່ກະທັງບີບແກ ຫລືຈັກຊິດ່າກໍມີ ແຕ່ຄົນຕ່າງປະເທດເຂົາເຈົ້າກໍຍັງລົມກັນເສີຍ ຍ່າງໄປຟັງໆເບິ່ງໃກ້ໆ ແມ່ນເຂົາເວົ້າໃຫ້ຄົນລາວວ່າ: ບໍ່ມີມາລະຍາດ ລະບາດນີ້ເຮົາຊິໄປໂທດໃຜດີຫລະ? ໂທດຄົນລາວ ຫລືໂທດຄົນຕ່າງປະເທດ? ບັນຫານີ້ຄວນສັງເກດ ແລະ ແກ້ໄຂນຳກັນນໍ ຂ້າພະເຈົ້າວ່າ ເພື່ອໃຫ້ນະຄອນຫລວງວຽງຈັນຂອງເຮົາ ເຕັມໄປດ້ວຍໃບຫນ້າທີ່ຫນ້າຍົກຍ້ອງ ແລະ ເປັນທີ່ຫນ້າຊື່ນຊົມຂອງແຂກຕ່າງປະເທດ ທີ່ມາທ່ຽວຊົມ ບ້ານເຮົາ ໃນງານສະເຫລີມສະຫລອງວັນວຽງຈັນ ເປັນນະຄອນຫລວງ 450 ປີ ທີ່ໃກ້ຈະມາຮອດນີ້. ຂໍຂອບໃຈ ທ້າວເຜິ້ງ __________________ ຢ່າລືມໃຫ້ຄວາມເຫັນນໍາແດ່ເດີ່ ອ່ານແລ້ວລະນ່າ.. Do not forget to give us a comment!

Anonymous

Date: May 25, 2010

	Permalink
cheap gucci shoes, gucci outlet, ghd hair straighteners, Cheap Ghd Straighteners, __________________

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse