lao student association in France

               ກອງປະຊຸມລັດຖະມົນຕີສິ່ງແວດລ້ອມ ອະນຸພາກພື້ນແມ່ນ້ຳຂອງ GMS ຄັ້ງທີ 2 ໄດ້ຈັດຂຶ້ນວັນທີ 29 ມັງ
ກອນ 2008 ນີ້ ທີ່ໂຮງແຮມດອນຈັນພາເລດ ນະຄອນຫລວງວຽງຈັນ ໂດຍເປັນກຽດເຂົ້າຮ່ວມຂອງທ່ານ ອາຊາງ ລາວລີ
ຮອງນາຍົກລັດຖະມົນຕີ ປະທານຄະນະກຳມະການສິ່ງແວດລ້ອມແຫ່ງຊາດ ມີບັນດາລັດຖະມົນຕີສິ່ງແວດລ້ອມອະນຸພາກ
ພື້ນແມ່ນ້ຳຂອງ ທ່ານຮອງປະທານທະນາຄານພັດທະນາອາຊີ ແລະ ພະນັກງານວິຊາການ.
               ກອງປະຊຸມເພື່ອສະຫລຸບຄືນ ກ່ຽວກັບການຈັດຕັ້ງປະຕິບັດໂຄງການຕ່າງໆ ທີ່ຢູ່ໃນແຜນງານສິ່ງແວດລ້ອມ
ພ້ອມທັງຖອດຖອນບົດຮຽນ ແລະ ກຳນົດທິດທາງໃນຕໍ່ຫນ້າ ໂດຍເນັ້ນໃສ່ບັນຫາທີ່ເຄັ່ງຮ້ອນຢູ່ໃນໂລກ ບັນຫາການປ່ຽນ
ແປງຂອງດິນຟ້າອາກາດ ກໍຄືສະພາວະຂອງໂລກຮ້ອນ ບັນດາໂຄງການດັ່ງກ່າວນີ້ ກໍເພື່ອໃຫ້ຮັບປະກັນຢູ່ໃນຂົງເຂດອະນຸ
ພາກພື້ນແມ່ນ້ຳຂອງ ມີຄວາມອຸດົມຮັ່ງມີທາງດ້ານຊັບພະຍາກອນທຳມະຊາດ ຊີວະນາໆພັນ ພ້ອມກັນນັ້ນ ກໍເອົາໃຈໃສ່
ບັນຫາປົກປັກຮັກສາສິ່ງແວດລ້ອມ ແລະ ຮັບປະກັນໃຫ້ມີການນຳໃຊ້ແບບຍືນຍົງ ໃນນີ້ ອັນສຳຄັນແມ່ນກົນໄກການປະ
ເມີນຜົນກະທົບ ການວາງແຜນໃນລະດັບຊາດ ກໍຄືຢູ່ໃນລະດັບທ້ອງຖິ່ນ ແລະ ໃຫ້ມີຊຸມຊົນເຂົ້າຮ່ວມນຳຢ່າງກວ້າງຂວາງ.
               ສຳລັບ ສປປ ລາວ ເຮົາໃນຜ່ານມາ ລັດຖະບານໄດ້ຢຶດຫມັ້ນໃນການພັດທະນາແບບຍືນຍົງ ຄື ການພັດທະນາ
ທາງດ້ານເສດຖະກິດ ຕ້ອງມີຄວາມດຸ່ນດ່ຽງ ແລະ ກົມກຽວກັບການພັດທະນາສັງຄົມ ແລະ ການປົກປັກຮັກສາສິ່ງແວດ
ລ້ອມ ເຈດຈຳນົງດັ່ງກ່າວ ໄດ້ສະແດງອອກຢູ່ໃນຍຸດທະສາດແຫ່ງຊາດ ວ່າດ້ວຍການພັດທະນາເສດຖະກິດ-ສັງຄົມ ຮອດປີ
2020 ຍຸດທະສາດແຫ່ງຊາດ ວ່າດ້ວຍການເຕີບໂຕທາງດ້ານເສດຖະກິດ ແລະ ການລຶບລ້າງຄວາມທຸກຍາກ ກໍຄືບັນດາ
ແຜນການ 5 ປີຂອງການພັດທະນາເສດຖະກິດ-ສັງຄົມ ການປົກປັກຮັກສາສິ່ງແວດລ້ອມ ແມ່ນປັດໄຈສຳຄັນໃນຂະບວນ
ການຫລຸດຜ່ອນຄວາມທຸກຍາກໃນ ສປປ ລາວ ທັງນີ້ຍ້ອນວ່າ 85% ຂອງປະຊາຊົນລາວບັນດາເຜົ່າ ຍັງອາໄສທຳມະຊາດ
ໃນການດຳລົງຊີວິດປະຈຳວັນຂອງຕົນ.