lao student association in France

ແຜນງານລຶບລ້າງຄວາມທຸກຍາກເປັນຫນຶ່ງ ໃນບູລິມະສິດຂອງລັດຖະບານ ສປປ ລາວ ໃນການພັດທະນາເສດ
ຖະກິດ-ສັງຄົມ ຕາມມະຕິກອງປະຊຸມໃຫຍ່ ຄັ້ງທີ VII ຂອງພັກເຮົາວາງອອກ ສະນັ້ນ ເພື່ອຈັດຕັ້ງຜັນຂະຫຍາຍແນວທາງ
ນະໂຍບາຍດັ່ງກ່າວໃຫ້ປະກົດຜົນເປັນຈິງ ລັດຖະບານກໍໄດ້ຈັດກອງປະຊຸມເພື່ອຜ່ານ ແລະ ສະເໜີແຜນງານລຶບລ້າງຄວາມ
ທຸກຍາກແຫ່ງຊາດຂຶ້ນ ໃນລະຫວ່າງວັນທີ 17-18 ມີນາ 2003 ເຊິ່ງໃນນັ້ນ ກອງທຶນຫລຸດຜ່ອນຄວາມທຸກຍາກກໍແມ່ນພາກ
ສ່ວນຫນຶ່ງທີ່ສຳຄັນໃນຄວາມພະຍາຍາມສູ້ຊົນແກ້ໄຂຄວາມທຸກຍາກໃຫ້ສຳເລັດຕາມລະດັບຄາດຫມາຍ ເພື່ອແນໃສ່ປັບປຸງ
ຄຸນນະພາບຊີວິດ ແລະ ນຳເອົາຄວາມອີ່ມຫນຳສຳລານມາສູ່ປະຊາຊົນບັນດາເຜົ່າໃນຂອບເຂດທົ່ວປະເທດ.
ລັດຖະບານ ສປປ ລາວ ໄດ້ຕົກລົງເຫັນດີຮັບຮອງເອົາວັນທີ 17-24 ຕຸລາຂອງທຸກໆປີ ເປັນສັບປະດາແຫ່ງການ
ລຶບລ້າງຄວາມທຸກຍາກແຫ່ງຊາດ ໂດຍໄດ້ເລີ່ມຈັດຕັ້ງປະຕິບັດນັບແຕ່ປີ 2003 ເປັນຕົ້ນມາ ເຊິ່ງເປັນສັບປະດາທີ່ມີຄວາມ
ຫມາຍສຳຄັນ ບໍ່ສະເພາະແຕ່ກອງທຶນຫລຸດຜ່ອນຄວາມທຸກຍາກ ໃນຖານະເປັນຫນ່ວຍງານຫນຶ່ງທີ່ຮັບຜິດຊອບຈັດຕັ້ງປະຕິ
ບັດແນວທາງນະໂຍບາຍຂອງພັກ ແລະ ລັດຖະບານກ່ຽວກັບວຽກງານດັ່ງກ່າວເທົ່ານັ້ນ ແຕ່ຫາກຍັງມີຄວາມສຳຄັນສຳລັບ
ທຸກໆໜ່ວຍງານຂອງລັດຖະບານ ກໍຄືປະຊາຊົນບັນດາເຜົ່າໃນທົ່ວປະເທດ ເພື່ອເຮັດແນວໃດໃຫ້ການຕໍ່ສູ້ກັບຄວາມທຸກຍາກ
ຢູ່ປະເທດເຮົາສຳເລັດໂດຍພື້ນຖານໃນປີ 2010.
ພາຍຫລັງທີ່ລັດຖະບານໄດ້ປະກາດຮັບຮອງເອົາສັບປະດາລຶບລ້າງຄວາມທຸກຍາກແຫ່ງຊາດຢ່າງເປັນທາງການ
ໃນທຸກໆປີ ກອງທຶນຫລຸດຜ່ອນຄວາມທຸກຍາກ ໂດຍສົມທົບກັບອຳນາດການປົກຄອງທຸກຂັ້ນ ແລະ ຂະແຫນງການທີ່ກ່ຽວ
ຂ້ອງອື່ນໆ ກໍໄດ້ຈັດຕັ້ງການສະເຫລີມສະຫລອງວັນສັບປະດາດັ່ງກ່າວ ແລະ ເຄື່ອນໄຫວສ້າງກິດຈະກຳຕ່າງໆ ດ້ວຍຫລາຍ
ຮູບຫລາຍສີ ຈຸດປະສົງສຳຄັນໃນການສະຫລອງສັບປະດາລຶບລ້າງຄວາມທຸກຍາກແຫ່ງຊາດຢູ່ປະເທດເຮົາໃນທຸກໆປີນັ້ນ
ແມ່ນເພື່ອປຸກລະດົມການປະກອບສ່ວນທາງດ້ານທຶນຮອນຈາກບັນດາບໍລິສັດ ຫ້າງຮ້ານ ຫົວຫນ່ວຍທຸລະກິດ ທັງພາກລັດ
ແລະ ເອກະຊົນ ແລະ ບັນດາຊັ້ນຄົນຕ່າງໆໃນສັງຄົມ ພ້ອມກັນນັ້ນກໍຍາດແຍ່ງການສະຫນັບສະຫນູນຊ່ວຍເຫລືອທາງດ້ານ
ການເງິນຈາກບັນດາປະເທດເພື່ອນມິດ ແລະ ອົງການຈັດຕັ້ງສາກົນຕ່າງໆ ເພື່ອແກ້ໄຂຄວາມທຸກຍາກຂອງປະຊາຊົນຢູ່ປະ
ເທດລາວເຮົາໃຫ້ສຳເລັດຕາມລະດັບຄາດຫມາຍທີ່ກຳນົດໄວ້.