lao student association in France

***** ຮັກນີ້ ລົ້ນຟ້າ ຂ້າມແດນ *****

ຂໍຝາກແດ່ພວກພີ່ນ້ອງ...............ທີ່ເນົາຫ້ອງຫ່າງເຮືອນມາ
ພີ່ນ້ອງໄກວົງສາ..................ຫ່າງບ້ານລາວໄກແທ້
ໄປຫລາຍເມືອງຢູ່ຫລາຍບ້ານ.................ຫວນຄະນິງບ້ານແນ່
ຫວນຄິດຫາພໍ່ແມ່...............ຜູ້ເພີ່ນຍັງຮັກແທ້ ສອງເຈົ້າຜູ້ຢູ່ຫັລງ

ເຖິງວ່າໄກຈາກບ້ານ...............ແຕ່ຍັງຮໍ່າຮຽນສູງ
ໄກບ້ານລູງຂອງເຮົາ..................ບ້ານນາລາວເມືອງບ້ານ
ໄກຈາກກັນແຟນຂອງອ້າຍ..............ເສຍດາຍອ້າຍຈົນຕໍ່າ
ຈິ່ງໃກຈາກພໍ່ແມ່ອ້າຍ..................ມາຫາສູ້ກູ້ກອບເງີນ ແທ້ເອີຍ

ເປັນແນວໃດພໍ່ແມ່..............ເຖົ້າແກ່ທາງນາເຮົາ
ສາວຜູ້ຍັງຄອຍຫັວງ............ອ້າຍຫ່ວງຍັງຝັນພໍ້
ປາຄໍ່ເຂັງຊິວກຸ້ງ...............ນໍ່ສົມແກງນໍ່ໃມ້ປ່າ
ຕຳແຈ່ງຄ່າປາແດກນ້ອຍ..............ມີແມ່ອ້າຍນັ່ງນຳ

ພວກຫມາກຂາມແນວສົ້ມ.................ຄິດຢາກດົມຫວນຕ່າວ
ດອກໄມ້ຂາວຍົກໃສ່ເກົ້າ.............ບູຊາເຂົ້າໃສ່ວັດວາ
ຫາດອກໃມ້ບູຊາພະ................ເດືອນສີ່ຍາມໃບໃມ້ຫລົ່ນ
ປົ່ນແມງດາຫມູ່ໄມ້.................ກິນໄດ້ແລ້ວຢາກຫວນແທ້ນາ

ຍາມເດືອນຫົກແມ່ຕົກກ້າ................ພໍ່ເພີ່ນວ່າໃຫ້ຫາໄຖ
ຄວາຍຕົວດຳລົງງານ................ກ້າຫວ່ານດຳລົງພື້ນ
ກົກເຂົ້າງາມສາມເດືອນໄດ້.................ມານກາຍເມົ້າຫມົກແກ່
ຫອມດອກຫມູ່ກີ່ນໄມ້.................ຄາວນັ້ນແມ່ເຮົາ

ຍາມເມື່ອເພີ່ນຕີເຂົ້າ.............ຕຸ້ມຕ່າວເປັນວົງ
ມີຄົນມາຮ່ວມງານ................ຕົ້ມໄກ່ຈານຂອງຫວານພ້ອມ
ມີສາວມາເປັນຈຸ້ມ.............ລົມກັນຫົວມ່ວນ
ພາກັນໄປສູ່ເຂົ້າ................ວັດວາພ້ອມຄູ່ສິນ


ບາງມື້ແມ່ລຸກເຊົ້າ..............ເອົາເຂົ້າໃສ່ຂອງມົນກົມ
ປະນົມມືຮັບພອນ.............ບໍ່ມີວັນວາງເວັ້ນ
ເປັນປະເພນີບ້ານ............ລາວເຮົາລູກຍັງຫ່ວງ
ບ້ານທີ່ມຸງຫມູ່ຫຍ້າ............ຫລັງຄານັ້ນແມ່ນເຢັນແທ້ເດ

ຍາມເດືອນສິບສອງແລ້ງ..............ພາກັນທຳຮົ້ວສວນທ່າ
ແຕງຖົ່ວໂມບົ່ງບົ້ງ.................ຫອມແກ້ມຫມຸ່ສຸລາ
ລາວງາມຢູ່ຟາກຟ້າ...........ນ້ອງຄົງແກ່ເສຍງາມ
ຫ່າງບ້ານາຫລາຍປີ..............ໃຈວີ່ວອນຢາກກັບບ້ານ

ໄດ້ມາເຫັນເມືອງແລ້ວ................ແນວບ້ານເຮົາໄດ້ເຄີຍເກີດ
ຖິ່ນກຳເນີດເມື່ອເຄົ້າ....................ເຮົາຍັງໂອ້ຢາກຫວນແທ້ເດ
ຝາກຮັກຂ້າມແດນນີ້................ໄປຫາແມ່ຜູ້ນອນເຫົງາ
ລູກຊາຍຈົນຍັງທົນທຸກ..................ກືນນ້ຳຕາຢາກຫວນບ້ານ

ລູກທຳງານບໍ່ມີເວັ້ນ...............ບໍ່ມີວັນຈະຫວນງ່າຍ
ນ້ຳຕາລູກຜູ້ຊາຍ..............ຍາມເມື່ອໄຫລອາບແກ້ມ
ແນມເບີ່ງຟ້າແຫ່ງຄະນິງ..................ສິ່ງສັກສິດຢູ່ຟ້າ
ໃຫ້ມາຊ່ວຍມານດາ.............ຜູ້ຍັງມີໂລຄາໃຫ້ຫາຍຫນີຊີ້ນ

ໃຫ້ແມ່ຍືນຍາວໄດ້................ເຫັນລູກຊາຍຈົບຮຽນວ່າ
ນ້ຳຕາລູກຍັງຮັກແທ້..............ແມ່ນັ້ນລູກບໍ່ຫລົງ
ພໍ່ເອີຍລູກຢາກໃຫ້.................ພໍ່ຍົກໂທດອະໂຫສີ
ລູກບໍ່ດີມາເມືອງໄກ.................ທຸກໃຈຫລາຍຢາກກັບບ້ານ

ຄາວນັ້ນຍັງຄະນິງພໍ້..................ພໍ່ຕົບຕີລູກຢູ່ທົ່ງ
ລູກຄິດ ແລະ ອັ່ງແຄ້ນ..................ຄືຊິບ້າບໍ່ເຊົາແທ້ນາ
ແຕ່ວ່ໃນມື້ນີ້............ລູກທຳເທື່ອສົມຕົນ
ເປັນຄົນບໍ່ສົມຄວນ................ທົບທວນແລ້ວຜິດແທ້

ແມ່ອາວອາປ້າລູງພ້ອມ.................ໃຫ້ສຸກສະບຍເທື່ອ
ລູກກັບເມືອຊິຍົກໃວ້.............ສິບນີ້ວຍົກປະນົມແມ່ນາ
ລູກຫ່າງໄກຈາກບ້ານ................ຢາກໂອ້ອ່າວຫວນມາ
ເພື່ອວ່າການສືກສາ...............ສູກສູ້ມາບໍ່ທັນໄດ້

ຖ້າລູກໄປເຖິງຫັ້ນ..............ຊິຫັນມາບ້ານປ່າ
ກິນປູປາແຈ່ວຮ້ອນ............ລົງຕ້ອນພວກຫມູ່ຫອຍ
ລອຍລົມຍາມຫນາວກັ້ນ.............ຂາດຜ້າຫົ່ມຊົມຈັນ
ແນມຊອດຫຍ້າຄາຈອ່ງປອ່ງ...............ໃຫ້ແມ່ ແລະ ພີ່ນ້ອງ ສຸກພ້ອມ ທ່ານເອີຍ ແທ້ນາ

***** ຂຽນໂດຍ: ຮັກຂ້າມຟ້າ *****